Мэргэжлийн дугуйн спортын Италийн хамгийн нэр хүндтэй тэмцээн болох Жиро Д’Италиагийн хамгийн сүүлчийн гараа болж, энэ жилийн аварга тодорлоо. Сүүлчийн буюу 21 дэх гараа нь Понте Ди Легногоос Верона хүртэл 15.3 км зайд багийн цуваа гараагаар үргэлжилж, Италийн өндөрлөг цаст уул бүхий бүс нутгийн дайран өнгөрчээ. Энэ гараанд “Саксо банк” шилдэг нь байв. Тус багийн хувьд нийт замаа 20 минут, 19 секундэд туулж, гарааг тэргүүлсэн бол тэдний араас “Астана”, “БиЭмСи” багууд хурдалсан байна.
Энэ гарааны дараачаар тэмцээний ялагч тодорсон бөгөөд энэ жилийн Жиро Д’Италиа тэмцээний аваргаар “Ликүйгас” багийн Иван Бассо тодорчээ. Тэрбээр 21 гарааны турш 3452 км замыг 87 цаг, 44 минут, 01 секундэд туулсан амжилтаар түрүүлж, алтан цомын эзэн болсон байна. Харин тэмцээнийг найм хоногийн турш тэргүүлж байсан “Кайсе Дэ Иппарнэ” багийн Дэвид Арроио 16 секундын алдагдалтайгаар хоёрдугаар байрт шалгарсан бол гуравдугаар байрт мөн л “Ликүйгас” багийн Венсензо Нибалли орж, энэ жилийн багийнхаа амжилтад том хувь нэмэр орууллаа.