Төсвийн нэгдсэн гүйцэтгэлийг хэлэлцэхтэй холбогдуулж, Засгийн газрын сайд нарын ирцийг хангуулах үүднээс хэсэг хугацаагаар завсарлага авсан УИХ-ын чуулганы нэгдсэн хуралдаан хэвийн үргэлжиллээ.

Хамгийн түрүүнд УИХ-ын гишүүн Б.Бат-Эрдэнэ асуулт тавьсан бөгөөд тэрбээр дампуурчихсан Анод банкинд яагаад төрөөс их хэмжээний хөрөнгө гаргасан талаар тайлбар авав. Албаны хүний тайлбараар бол Монгол Улсыг хөгжүүлэх сангаас Анод банкинд 15 тэрбум төгрөгийг хадгалуулсан байсан нь тухайн банкны чадавхи сул байгааг судалж мэдээгүйгээс энэ хэмжээний хөрөнгийг хадгалуулсан байсан” гэсэн тайлбар хийв. Мөн тухайн үед Анод банкийг шууд дампуурлыг нь зарлаж болох байсан ч хадаламж эзэмшигчийн мөнгөн хадгаламжид төр баталгаа гаргасан үед гэнэт ийм мэдэгдэл хийх нь бусад арилжааны банкуудыг татан унагаж болзошгүй аюул дагуулах байсан. Гэхдээ Анодын суурин дээр Төрийн банкийг байгуулсан. Хойшид Төрийн банк ашигтай ажиллаж, улмаар хувьчлах тохиололд төр хохирлоо барагдуулаад авах боломжтой гэнэ.

Г.Дарь