Таэквондогийн улсын аварга шалгаруулах 17 дахь удаагийн тэмцээн Спортын төв ордонд үргэлжилж байна. Тэмцээн өчигдөр эхэлсэн бөгөөд хот, хөдөөгийн 21 байгууллагын 300 гаруй тамирчин оролцож байгаа аж. Гурван насны ангилалд зохион байгуулж буй энэ удаагийн улсын аваргад амжилттай оролцсон тамирчид Өмнөд Солонгост болох таэквондогийн олон улсын нээлттэй тэмцээнд өрсөлдөх эрхтэй болох юм. Тэмцээн өнөөдөр өндөрлөнө.

Б.Энх