УИХ-ын дарга Д.Дэмбэрэл энэ  сарын 27-ноос хоёрдугаар сарын 2-ныг хүртэл Баян-Өлгий, Ховд аймагт томилолтоор ажиллаж зарим сумдын мал өвөлжилтийн байдал болон цаг үеийн ажилтай танилцахын зэрэгцээ иргэд сонгогчдын төлөөлөлтэй  уулзан санал бодлыг нь сонсож, УИХ-ын үйл ажиллагааг таниулж сурталчилна. Мөн улсын сайн малчин, аварга тариаланчдад шагнал гардуулах юм.

УИХ-ын даргыг орон нутагт ажиллахад УИХ-ын гишүүн Х.Жекей, А.Тлейхан, С.Бямбацогт, УИХ-ын Тамгын газрын Ерөнхий нарийн бичгйин дарга Ц.Шаравдорж, Хүнс, хөдөө аж ахуй, хөнгөн үйлдвэрийн дэд сайд Ж.Сауле болон зарим яам, агентлагийн удирдах ажилтнууд, хэвлэл, мэдээллийн байгууллагын сурвалжлагчид дагалдана гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.