36 настай Америк
бүсгүй Жинжер МакГуйр АНУ-ын
иргэний нисэхийн хамгийн том компаниудын нэг “Юнайтед Эйрлайнз” компанийг өөрт нь сэтгэл санааны хохирол
учруулсан хэмээн шүүхэд өгөх гэж байгаа талаар “Ройтерс” агентлаг мэдэгдлээ. Учир нь түүний нисэж ирсэн онгоц шөнийн 00 цаг 27 минутанд
Филадельфид газардах үед тэрээр унтсан байсан бөгөөд онгоц газардсанаас
дөрвөн цагийн дараа онгоцонд
цэвэрлэгээ хийж байсан ажилтан түүнийг дуудаж сэрээсэн байна. Гэхдээ адал явдал үүгээр дууссангүй. Түүнийг онгоцноос гарах гэхэд онгоц гаднаасаа түгжээтэй байсан байна. Удалгүй аюулгүй байдлын албаныхан хүрж ирсэн ч түүнийг террорист биш эсэхийг
тодруулсны дараа л явуулах болно гэж шалгалт хийж эхэлсэн гэнэ.

“Юнайтед Эйрлайнз” компанийн хэвлэлийн
төлөөлөгч Сара Массиер энэ талаар
“Бид өөрийн түнш “Юнайтед Эйрлайнз” компанитай холбогдож болсон
явдлын нөхцөл, шалтгааныг
тодруулсны дараа зорчигчид учирсан хохирлыг нөхөн төлөх болно” гэж мэдэгдсэн
байна. Жинжер МакГуйрыг өмгөөлөгч Жеоффри Фижир өмгөөлж байгаа бөгөөд Фижир өмнө нь олон тооны нэр алдартай
хүмүүсийг өмгөөлж байсан байна.

Т.Бадрах