Тоглолтын эцсийн шүгэл дуугарах мөчид Коби Брайнтын алдсан бөмбөгийг Рон Артест сагсанд оруулснаар баззер-шотын эзэн болж, “ЛА Лейкерс” талбайдаа “Финикс Санс”-ыг 103:101 харьцаатай буулган авч, Өрнө конференсийн аваргын төлөөх цувралыг 3:2-оор тэргүүлж эхэллээ. Тоглолтын турш Брайнт 30 оноо, 11 удаагийн самбараас бөмбөг авалт, есөн оновчтой дамжуулалт гүйцэтгэж, багаа манлайлсан боловч Артест эцсийн мөчид багтаа ялалт авчирсан баатар болов.
Тоглолтын дөрөвдүгээр үе өндөрлөхөд 3,5 секунд дутуу байхад Жейсон Ричардсон гурван онооны шидэлт гүйцэтгэснээр “Санс” тооны харьцааг тэнцүүлсэн байна. Улмаар Брайнт тоглолтын хувь заяаг шийдэх чухал шидэлт гүйцэтгэсэн нь байгаа оноогүй боловч Артест самбараас бөмбөгийг авч, оноо болгож чаджээ.
Хоёр багийн зургаа дахь тоглолт монголын цагаар ням гаригийн өглөө Финикст болох ба хэрэв “Нуурынхан” ялалт байгуулвал 16 дахь удаагаа NBA-ын финалд өрсөлдөх юм.
Өнөөдрийн тоглолтод “Финикс Санс”-аас Стив Нэш 29 оноо, 11 оновчтой дамжуулалт өгч багаа тэргүүлсэн байна.
С.Цэлмэг