Баасан гаригийн шөнө Израилийн хамгаалах армийн (ЦАХАЛ) нисэх хүчин Газын зурвасын хойд болон өмнөд хэсэгт агаараас цохилт хийлээ. Армийн төлөөлөгч нууц хулгайн наймааны бараа зөөдөг биш, харин Израилийн цэргийнхэн болон энгийн иргэдийн эсрэг террорист халдлага үйлдэхээр ухсан гурван хонгилыг амжилттай устгалаа гэж мэдэгдэв.
Хилийн хаалтны ойролцоо гарах нүх байгаа хонгилуудын талаарх мэдээг арми нь тагнуулын албанаасаа авсан байна. Нисэхийн довтолгооны үеэр хонгилуудыг устгасан ба харин палестинчуудаас хохирол үзсэн эсэх талаар мэдээлэл байхгүй. Пүрэв гаригт хил орчмын Эшколийн районд Газаас харавсан “Кассам” пуужин дэлбэрсэн ба пуужин хүнгүй газар унаж азаар хохирол учруулсангүй. Израйлийн эсрэг Газын зурвасаас хийгдэх ямар ч түрэмгийллийн хариуцлагыг ХАМАС авна гэж Израиль мэдэгджээ.