Каннын кино наадамд оролцохоор цуглараад буй Холливуудын одод, алдартай жүжигчид өдөр бүр ямар нэгэн шоу арга хэмжээнд оролцон, цагийг зугаатай өнгөрүүлж байна. Тэдний дунд нэгэн хос үүсээд байгаа нь Paris Hilton, Оскарын эзэн жүжигчин Adrien Brody нар гэнэ. Тэд байнга л хамт явж, цэнгээний газар зугаацаж байгаа ба тэр хоёрыг янаг амрагийн холбоотой болсон хэмээн яригдаж эхлээд байна.

Харин өв залгамжлагч ихэмсэг хатагтай Paris нэгэн нууцлаг шүтэн бишрэгч нь түүнд үнэ бүхий бэлэг өгсөн тухай ярьсан байна.  Тэрхүү бэлэг нь цагаан алтан ээмэг, цаг бөгөөд ээмэг нь 2.2 сая ам.доллар, цаг нь 1.8 сая ам.долларын үнэтэй аж. Түүний энэхүү нууцлаг шүтэн бишрэгч хэн болох талаар олон таамгууд дэвшүүлээд байна.