Тавдугаар сарын 19-ний өглөө Кемерово мужийн Ленинск-Кузнецк хотын  “Алексеевская” уурхайд осол гарсан байна. Уурхай налуу хонгилд нуралт гарчээ. Энэ үеэр газар дор 100 уурхайчин ажиллаж байсан гэнэ. Хоёр уурхайчнаас бусад нь дээш гарч чадсан ба ослын газар аврагчид ажиллаж байна.
Кузбассийн уурхайд 66 уурхайчин амиа алдсан өмнөх ослоос хойш 10 хоногийн дараа энэ осол гарчээ. Өмнөх ослоор сураггүй болсон 24 хүний хувь тавилан өнөөг хүртэл тодорхойгүй байгаа билээ. Одоо уурхай хэсэгт ус шахсан ба утаа их байгаагаас аврах ажиллааг зогсоогоорд байгаа билээ.
“Распадская” уурхайн дарга Игорь Волков энэ сарын 18-нд албан ёсоор огцорсон ба Ерөнхий прокурорын газраас түүнд эрүүгийн хэрэг үүсгэхээр төлөвлөөд байгаа ажээ.
Сануулахад, энэ 22-ны өдөр Кузбассын оршин суугчдын холбоо уурхайн хотуудад эсэргүүцлийн ажиллагаа явуулан эрх баригчдын үгийг сонсохоор төлөвлөөд байгаа ажээ.