Жиро д‘Италиагийн хамгийн урт гараа өчигдөр болж өнгөрлөө. Энэ гараа нь Люсейрагаас Эл-Акуйра хүртэл 256 км зайд болсон бөгөөд уралдаан эхлээд тамирчид 60 км-ийг ардаа хийсний дараа бороо шивэрч эхэлсэн байна. Олон зүйлээрээ онцлог байсан тус гарааны сүүлийн хэдэн км-т толгойн групп нь хангалттай тасарч чадсан юм. Энэ хэсгээс “Катюша” багийн Орос дугуйчин Евгений Петров 06 цаг, 28 минут, 29 секундынн амжилтаар түрүүлсэн байна. Түүний араас Италийн “Күйк-Степ” багийн Дарио Каталдо таван секундын алдагдалтайгаар орсон бол гуравдугаар байрт “Сервило” багийн Испани дугуйчин Карлос Кандил оржээ.
Энэ гараа нь Жиро д‘Италиагийн тэргүүлэгчдийн байрыг огцом өөрчилсөн гараа болсноороо онцлогтой. Гараанд 13-р байрт орсон “Саксо банк” багийн Ричи Порте нийлбэр дүнгээр тэргүүлж, ягаан өмсгөлийн эзэн болоод байсан “Астана” багийн Александр Винокуровоос цамцыг нь авч чадсан байна. Мөн нийлбэр дүнгээр хоёрт байсан “ЭмБиСи” багийн Кадель Эванс, гуравдугаар байраас “Ликүйгас” багийн Вэнсензо Нибали нар ч мултарсан бөгөөд тэдний оронд “Кайссэ Д’Иппарнэ” багийн Дэвид Арроио хоёрдугаарт, “Ликүйгас” багийн Роберт Кисэрловский гуравт тус тус шинээр бичигдсэн байна. Тэмцээний лараагийн гараа нь Китта Сан Анжелогоос Порто Ресанати хүртэл 191 км зайд үргэлжилнэ.