Энэ оны эхээр парламентаар нь батлагдсан ижил хүйстнүүдийг хурим хийхийг зөвшөөрсөн хууль батлахыг дэмжиж гарын үсэг зурах болно гэж Португалийн ерөнхийлөгч Anibal Cavaco Silva мэдэгдлээ. Энэ хуулийг ихэнх нь Католик шашин шүтдэг тус улсын консерватив үзэлтнүүд хүчтэй эсэргүүцэж байгаа. Энэ хууль батлагдсанаар Португаль ижил хүйстнүүдийг гэрлэхийг зөвшөөрсөн европын зургаа дахь улс болох болно. Европийн Бельги, Испани, Норвеги, Нидерланд, Швед гэсэн зургаан улсад ижил хүйстнүүдийг хоорондоо гэрлэхийг зөвшөөрдөг.

Өнгөрсөн сард Португалийн үндсэн хуулийн шүүх энэ хуулийг авч хэлэлцээд үндсэн хуультай харшлахгүй гэж үзсэн. ТВ-ээр хэлсэн үгэндээ ерөнхийлөгч Silva энэ хуулийг батлахгүй байх боломж байхгүй. Батлахаас татгалзаж буцаасан ч парламент олонхийн саналаар дахин батлах тул эдийн засгийн асуудал хэлэлцэх хэрэгтэй энэ чухал цаг үед дахин энэ асуудлаар цаг үрэхгүйн тулд батлахаар шийдлээ гэж мэдэгдсэн. Хэдийгээр ийнхүү ижил хүйстэн хосуудыг хоорондоо гэрлэхийг зөвшөөрч байгаа ч тэднийг хүүхэд үрчилж авахыг Португалийн парламент зөвшөөрөхгүй байгаа.

Т.Бадрах