“Ээлт” эмнэлгийн нэрэмжит Монголын модон бөмбөгийн “Холбооны цом”-ын төлөө тэмцээний аваргууд тодорлоо. Тэмцээн гацуурт дахь “Монгол шилтгээн” жуулчны баазын модон бөмбөгийн талбайд энэ сарын 14-нд болсон юм. Тэмцээнд “Ээлт” эмнэлэг, МУБИС, “Мон-алтиус” БТДС, Дархан-уул аймгийн Техникийн ДС, МУБИС-ын харъяа Архангай аймаг дахь Багшийн коллежийн багш нар болон оюутнуудын баг, Говь-алтайн Анагаах Ухааны Коллежи, “Мэргэн” баг болон “Чингис маининг” ХХК-ийн Ганболд, Стандрчлал хэмжил зүйн газрын “Бүтээгдэхүүн тогтолцоо баталгаажуулалтын алба”-ны Буяндалай  зэрэг эрэгтэй 36, эмэгтэй 32  тамирчин  оролцон, 24 талбайд хоёр үеийн турш өрсөлдлөө.  
“Холбооны цом”-ын аваргын эмэгтэйчүүдийн ганцаарчилсан төрөлд Дархан-уул аймгийн Техникийн дээд сургуулийн Долгорсүрэн 119 оноогооор,  “Мэргэн” багийн Мягмарсүрэн 119 оноогоор, “Дөрвөл” багийн Хандсүрэн нар 122 оноогоор эхний 3 байрт шалгарсан бол эрэгтэй ганцаарчилсан төрөлд Дархан-уул аймгийн Техникийн дээд сургуулийн Мөнхбат 24 талбайн нийлбэрээр 107 оноо авч аваргаласан бол МУБИС-ийн оюутан Шинэбаатар 112 оноогоор удаалсан бол БХИС-ийн оюутан Наранбаатар нар 113 оноогоор медальт байрт шалгарчээ.  Харин эмэгтэй багийн төрөлд Г.Болдбаатар дасгалжуулагчтай Дархан-уул аймгийн Техникийн дээд сургуулийн оюутнууд 493 онооогоор нэгдүгээр байранд шалгарлаа. Удаах байранд Ганболд дасгалжуулагчтай Мон-Алтиус БТДС 577 оноогоор, Тунгалаг дасгалжуулагчтай Говь-алтайн Анагаах Ухааны Коллежийн баг 589 оноогоор гуравдугаар байранд орлоо.  Эрэгтэйчүүдийн  багийн тэмцээнд Дарханы Техникийн дээд сургуулийн 462 оноо,  МУБИС-ийн баг 481 оноо, “Дөрвөл” баг 517 оноогоор эхний гуравдугаар байрт орсон бол эмэгтэй, эрэгтэй тамирчдын нийлбэр оноогоор Дархан-уул аймгийн Техникийн дээд сургуулийн цомын эзэн болж, МУБИС-ийн баг,  Мон-Алтиус БТДС баг эхний гурван байрт шалгаран өргөмжлөл, мөнгөн шагналаар шагнуулсан байна.
Score studio