“I-Fairy” хэмээх робот дэлхийд анх удаа хурим удирдаж, хосуудыг гэрлүүллээ. Уг робот Токио хотод болсон Томохиро Шибата, Сатоко Иноуе /Tomohiro Shibata, Satoko Inoue/ нарын хуримыг удирдаж, гэрлэлтийг нь бүртгэсэн байна. Хосууд Японд улам бүр хөгжиж байгаа роботын үйлдвэрлэлийн салбартай холбоотой ажилладаг юм байна. Гэрлэлтийн ёслолын үеэр “I-Fairy” нүдээ цавчилж байсан бөгөөд сүйт бүсгүйг гивлүүрээ сөхөн үнсэлцэхийг зөвлөж байжээ. Хурим Японы нийслэлийн нэгэн рестораны дээвэр дээрх талбайд болжээ гэж “BBC” агентлаг мэдээллээ.