Мэдээлэл харилцаа холбооны салбарынханы жил бүрийн хавар уламжлал болгон зохиодог  “ICT EXPO 2010” үзэсгэлэнгийн нээлт өнөөдөр 13.00 цагт  “Мишээл экспо” төвд боллоо. Үзэсгэлэн нь зөвхөн мэргэжлийн хүмүүст хамааралтай биш ажээ. Сүүлийн үеийн технологийн хөгжил ямар төвшинд байгаа, үүрэн телефоны операторуудын шинэ үйлчилгээ, ямар загварын утас, notebook  шинээр нэвтэрсэн зэрэг иргэдэд хэрэгтэй өдөр тутмын дэлгэрэнгүй мэдээллийг авч болох юм байна. Үзэсгэлэнгийн нээлтэнд  “Киви”, “L-Guards” хамтлагууд ая дуугаа өргөн барив. Мөн “Монгол улсад ногоон эдийн засгийг хөгжүүлэхэд мэдээлэл, харилцаа холбооны салбарын гүйцэтгэх үүрэг” сэдэвт “Шилдэг шийдэл-2010” уралдаанд ялагчаар шалгарсан Н.Эрдэнэхүү ахлагчтай ШУТИС-ийн МХТС-ийн багыг шагналаа. Тус үзэсгэлэн хүрээнд “Кибер спортын улсын аварга шалгаруулах тэмцээн”, “Онлайн контентын форум” зэрэг уралдаан болж байгаа ажээ. Үзэсгэлэн энэ сарын 17-ныг хүртэл үргэлжлэх ба энэ хугацаанд салбарынхаа компаниудын шинээр нэвтрүүлсэн дэвшилтэт технологи бүхий бүтээгдэхүүн, онцлог менежмент бүхий үйлчилгээнүүдийг дэлгэн харуулна. Сонирхсон хэн  бүхэнд УДЭТ-ын өмнөх талбайгаас үнэ төлбөргүй унаагаар  үйлчлэх юм байна.

Г.Даша