Германы Гамбург хотноо өчигдөр болж өнгөрсөн Европын хөлбөмбөгийн холбооны Европын лигийн тэмцээний аваргын цомын төлөөх тоглолтод Диего Форлан нэмэлт цагт ялалтын гоолыг оруулж, багтаа Европын цомыг авчирсан байна. Испанийн “Атлетико Мадрид”, Английн “Фулхэм” нарын хооронд өрнөсөн аваргын төлөөх тулаанд 32 дахь минутад Форлан гоолдож, багтаа тэргүүлэл авчирсан боловч гоолоос хойш зургаан минутын дараа Саймон Дэйвис тэнцээний бөмбөгийг оруулжээ. Тоглолтын үндсэн цаг тэнцээгээр өндөрлөсөн тул нэмэлт цаг сунгаж, улмаар тоглолтын эцсийн шүгэл дуугарахаас дөрвөн минутын өмнө Форлан дубль хийснээр “Атлетико Мадрид” Европын лигийн аваргын цом хүртсэн байна.

С.Цэлмэг