Азийн уулчдын цугларалтыг зорьсон Монголын уулчид эх орондоо ирээд байна. Манай уулчид Ази тивийн уулчдын цугларалтад дөрөвдүгээр сарын 15-30-ны өдрүүдэд хамрагдсан бөгөөд энэ хугацаанд Гималайн салбар уулсын нэг, Палдор оргилд амжилттай авирчээ. Уулчдын бүрэлдэхүүнд спортын мастер Д.Батжаргал, М.Мөнхзул, Х.Агваанданзан, С.Заяа нар багтсан юм.
Азийн уулчдын цугларалтын үеэр Палдор оргилд уулчдын азийн аварга шалгаруулах тэмцээн болж, манай уулчид бусад орны уулчдаас хамгийн түрүүн оргилд хүрсэн байна. Энэхүү цугларалтад оролцсон бас нэгэн давуу тал нь Азийн уулчдын холбооноос энэхүү цугларалт, тивийн аварга шалгаруулах тэмцээнийр ирэх жил Монголд зохион байгуулах шийдвэр гаргасан явдал байжээ.

Б.Энх