Олон улсын шатрын холбоо /FIDE/-ны ерөнхийлөгчийн зөвлөл хурлаар манай тамирчин, их мастер Батхуягийн Мөнгөнтуулд эрэгтэйчүүдийн Олон улсын мастер цолыг албан ёсоор олгох шийдвэр гаргажээ.
Тэрбээр хоёр жилийн өмнө Германы Дрезден хотноо болсон Дэлхийн шатрын 38 дугаар олимпиадад нэгдүгээр ширээнд арван өргөөс 7.0 оноо /тав хожиж, дөрөв тэнцэн, нэг хожигдсон/ авч, дээрх болзлыг хангасан юм. Б.Мөнгөнтуул саяхан ОХУ-ын Нальчикт болсон дэлхийн шилдэг эмэгтэй шатарчдын гранпри тэмцээнд 5.5 оноо авч, зургадугаар байр эзэлсэн юм.

Зохиогчийн эрх: “Таван цагариг” сонин.