МАН-ын Удирдах зөвлөл өнөөдөр Төрийн ордонд хуралдсан. Тус хурлаар удахгүй болох 90 жилийн ойн баяраа хэрхэн угтах талаар ярилцсан байна.

Энэ ажлын хүрээнд юуны өмнө намын бат илэрхийлэхээ бүрэн шинэчилж, намын бүх гишүүддээ МАН-ын бат илэрхийлэх гардуулж өгөх зорилттой байгаа аж.

Одоогийн байдлаар Монгол Улс даяар нийт гишүүддээ МАН-ын бат илэрхийлэх гардуулах ажил нийт 90 гаруй хувьтай явагдаж байгаа гэнэ. МАН-ын 90 жилийн ойн баяраас өмнө МАН-ын гишүүдэд бат илэрхийлэхийг албан ёсоор бүрэн гардуулж дуусгах төлөвлөгөөтэй байгаа гэж тус намын нарийн бичгийн дарга Я.Содбаатар хэллээ.
Мөн өнөөдөр болсон МАХН-ын онц их хурлын талаар  нарийн бичгийн дарга Я.Содбаатар "Н.Энхбаярыг намын гишүүнээс хөөх нь намын дүрэм зөрчсөн асуудал болно. МАХН-ын Онц их хуралд очиж илтгэл тавих нь тэр хүний эрх гэж үзэж байгаа. Тиймээс Н.Энхбаярыг намаас хөөх асуудал яригдаагүй" гэлээ.