Японы их сумогийн тавдугаар сарын нацу башёгийн эхний өдрийн барилдаан өндөрлөлөө. Хамгийн нэр хүндтэй гэгддэг зүүн жигүүрийг манлайлан барилдаж буй их аварга Хакухо М.Даваажаргал эхний өдрийн барилдаанд комүсүби Точиозантай барилдаж, ёрикири мэхээр давсан бол озэки Харумафүжи Д.Бямбадорж баруун жигүүрийн озэки Котошогикүд ёрикири мэхээр, Какурюү М.Ананд /М3/ сэкиваки Кисэносатод мөн ёрикири мэхээр өвдөг шороодлоо. Манай бусад бөхчүүдийн хувьд Асасэкирюү Б.Дашням /М4/ Китатайкиг, Хакуба А.Өнөржаргал /М5/ Коккайг, Кёкүтэнхо Н.Цэвэгням /М7/ Какизоэг ёрикири мэхээр  тус тус давж, башёгийн анхны даваагаа авсан байна. Түүнчлэн Моконами Г.Базарсад /М11/ Окиноумиг ёритаоши мэхээр унагасан бол Коорюү Э.Мөнх-Оргил /М16/ ёрикири мэхээр Шимоторид өвдөг шорооджээ. Мөн өнөөдрийн барилдаанд учраа таарч барилдсан Токитэнкү /М6/ А.Хүчитбаатар Тамаваши Б.Мөнх-Оргилыг /М7/ окуритаоши мэхээр давлаа.

Нацу башёгийн эхний өдрийн барилдааны дүн:

Давсан            Унасан

Хакухо /Ё/            Точиозан /К/
Котошогикү /К/        Харумафүжи /О/
Котоошю /О/            Тоёоношима /М1/
Миябияма /М1/        Котомицүки /О/
Кайо /О/            Хомашо /М2/
Баруто /О/            Точиношин /М2/
Кисэносато /С/        Какурюү /М3/
Аминишики /С/        Ваканосато /М3/
Асасэкирюү /М4/        Китатайки /М4/
Хакуба /М5/            Коккай /М6/
Токитэнкү /М6/        Тамаваши /М7/
Кёкүтэнхо /М7/        Какизоэ /М8/
Тосаюүтака /М9/        Тоёохибики /М8/
Аран /М10/            Гоэйдо /М9/
Моконами /М11/        Окиноуми /М10/
Такэказэ /М12/        Токүсэгава /М11/
Ёшиказэ /М13/        Кимураяма /М12/
Такамисакари /М13/    Точинонада /М14/
Вакакоюү /М15/        Хокуторики /М14/
Шимотори /М15/        Коорюү /М16/
Таманошима /М16/        Сагацүкаса /Ж1/
С.Цэлмэг