
Хөдөлмөрийн баатар Х.Цагаанбаатараар ахлуулсан жүдо бөхийн холбооны баг тамирчид бэлтгэл сайтай байгаа гэнэ. Жүдочдын багт улсын арслан, ОУХМ До.Ганхуяг багтсан нь бусад багийг багагүй сандаргаж байгаа бололтой. Өнгөрсөн жилийн аварга чөлөөт бөхийн шигшээ багийнхан ч энэ удаа аваргын цомоо хамгаалахын тулд ойрын өдрүүдэд сагсан бөмбөгт нэлээд цаг зав зарцуулж байгаа гэв.
Ямартай ч Монголын спортын бүхий л төрлийн шилдэг тамирчдыг сагсан бөмбөгийн талбайд уулзуулдаг тэмцээн тун сонирхолтой болох нь гарцаагүй юм. “Мөнгөн цагариг” клубээс санаачлан хоёр дахь жилдээ явуулж буй тус тэмцээнд өнгөрсөн жил Монголын чөлөөт бөхийн холбооны эрэгтэй, Монголын спортын сэтгүүлчдийн холбооны эмэгтэй баг тамирчид түрүүлж байсан юм. Энэ жилийн хувьд МҮОХ сагсан бөмбөгийн тэмцээнийг хамтран зохион байгуулах тул илүүөргөн цар хүрээтэй болно гэдгийг Зохион байгуулагчид онцолж байна.
Тэмцээний ерөнхий ивээн тэтгэгчээр Эм-Си-Эс, Юнител компаниуд хамтран ажиллаж, спорт холбоод, тамирчдыг дэмжиж байгаа аж. Тэмцээний талаарх дэлгэрэнгүй мэдээллийг 96968474 дугаараас лавлана уу.
Б.Энх