Удахгүй хойд хөршид болох ялалтын 65 жилийн ойг олон улсын 2450 сэтгүүлч сурвалжлахаар түрүүчээсээ Москваг зориод байна. Москва хотын Манежийн талбайд хэвлэл, мэдээллийн төв байгуулж тэнд бүх сэтгүүлчдийг байрлуулах бөгөөд 24 цагийн турш үйл ажиллагаа явуулах боломж нөхцөлөөр хангах ажээ. Хэвлэл, мэдээллийн төв өнөөдрөөс үйл ажиллагаагаа эхэлжээ.
Ялалтын баярыг ОХУ-ын бүх сонин хэвлэл, ВВС, CNN, Ассошиэйтед пресс, Ройтерс, France 24, Синхуа зэрэг томоохон хэвлэл мэдээллийн байгууллагууд сурвалжлахаар эрх авчээ. Баярын үйл ажиллагааг Монголоос сонины нэг, телевизийн гурван сэтгүүлч сурвалжлах юм. Тэдний нэрсийг эрх авсан сэтгүүлчдийн жагсаалтад оруулан www. May9.ru сайтад тавьсан байна.

                                    Д.ОЮУН