Дэлхийд тэргүүлэгчдийн эгнээнд зүй ёсоор багтах Германы авто үйлдвэрлэгч “Volkswagen” энэ жилийн Auto China Show-ны үеэр хоёр дугуйтай цахилгаан дугуйгаа олон нийтэд танилцуулжээ. “Bik.e” хэмээн нэрлэсэн энэхүү шинэ загвар нь эвхэгддэг, ингэснээр ердөө өрөөсөн дугуйны хэмжээтэй л болох гэнэ. Загварын хувьд өвөрмөц, ганган Bik.e нь нэг удаагийн цэнэглэлтээр 20 км замыг туулах хүчин чадалтай бөгөөд дээд хурд нь 12,5 км/цаг ажээ. Сонирхуулахад, Германы хуульд зааснаар дуулгагүй цахилгаан хөдөлгүүртэй тээврийн хэрэгсэлтэй зорчигчид дээд тал нь 12,5 км/цагийн хурдтай явах ёстой байдаг гэнэ.