Монголын Хөнгөн атлетикийн холбоо 50 жилийн ойн хүрээндээ нийслэлийн Биеийн тамир спортын газартай хамтран энэ сарын 8-9-нд  өсвөр үеийнхний аварга шалгаруулах тэмцээнийг Төв цэнгэлдэх хүрээлэнд зохион байгуулахаар болжээ. Тэмцээнд 18 ба түүнээс доош насны охид, хөвгүүд оролцох боломжтойн зэрэгцээ орон нутгийн тамирчид ч нээлттэй, уртын харайлт, өндрийн харайлт, гурвын харайлт, бөөрөнцөг түлхэлт гэсэн төрлөөр зохиогдох аж. Мөн нэг тамирчин буухиа гүйлтээс бусад хоёр төрөлд орохыг зөвшөөрөх юм байна.