УИХ-ын чуулганы пүрэв гаригийн үдээс хойшхи хуралдаан эхэлж, Засгийн газраас өргөн мэдүүлсэн “Тусгаар тогтнол 90” медаль бий болгох тухай УИХ-ын тогтоолын төслийг хэлэлцээд гишүүдийн 87.9 хувийн саналаар “Хэлэлцэх нь зүйтэй” хэмээн үзлээ.

Танилцуулгад дурдсанаар Ерөнхийлөгч зарлиг гаргасны дагуу Засгийн газар чиглэл авч, “Тусгаар тогтнол 90” ойн медаль бий болгохоор төсөл боловсруулсан байна. Ингэхдээ одоогоос 90 жилийн өмнө гуравдугаар сарын 1-нд улстөрийн нам байгуулагдсан гэж үзэж, тэр хүрээнд “Тусгаар тогтнол 90” медаль бий болгохоор зорьсон нь энэ аж.

Энэхүү тогтоолын төслийг анхны хэлэлцүүлэгт бэлтгүүлэхээр УИХ-ын Төрийн байгуулалтын байнгын хороонд шилжүүлсэн юм.