Бөхийн чөлөөт барилдааны Оюутны аварга шалгаруулах тэмцээн өнөөдөрҮБТДС-ийнСпорт зааланд  эхэллээ. Тэмцээний нээлтийн ажиллагаа 15 цагт  болох ажээ. Оюутны аваргын тэмцээнд ШУТИС, МУБИС, МУИС, ХААИС, БХИС, Их Засаг их сургууль, Орхон Их сургууль, Цагдаагийн Академи, ҮБТДС, Мон-Алтиус БТДС, Аварга ДС, Их шавь бөхийн ДС, Шонхор Олимп ДС, Монголын Үндэсний ДС, Цахим ДС, Гадаад хэлний сургулттай MIU Дээд сургууль, Барилгийн коллеж, Гэгээ коллежи, зэрэг их, дээд сургуулиудын 180 гаруй оюутан тамирчид өрсөлдөж байна. .  
Оюутны аваргын тэмцээнийг олон улсын дүрмийн дагуу эрэгтэй  55 кг, 60  кг, 66 кг, 74 кг, 84 кг, 96 кг, 120 кг, эмэгтэй 48 кг, 51 кг, 55 кг, 59 кг, 63 кг, 67 кг, 72 кг-ийн жингүүдээр явуулж байгаа ба тус тэмцээнээс шалгарсан тамирчдыг Итали улсад болох оюутны дэлхийн аварга шалгаруулах тэмцээнд оролцуулахаар сонгох ажээ. Оюутны аварга шалгаруулах чөлөөт бөхийн тэмцээн маргааш өндөрлөх бол сагсан бөмбөгийн оюутны аварга шалгаруулах тэмцээн энэ сарын 3-9-ний өдрүүдэд, шатрын тэмцээн 5-9-ний хооронд, модон бөмбөгийн тэмцээн 14-15-нд, гандболын тэмцээн 17-18-ны өдрүүдэд тус тус болох юм.

Б.Энх