Өчигдөр Бельгийн парламентийн 134 депутат олон нийтийн газар нүүрээ хаасан байдлаар хувцаслаж явахыг хориглосон шийдвэрийн төлөө саналаа өгчээ. Харин хоёр гишүүн л түдгэлзсэн байна. Ингэснээр олон нийтийн газар ийм маягаар хувцасласан хэн ч болов 15-25 еврогоор торгуулах эсвэл долоо хоног баривчлагдах шийтгэл хүлээх юм быайна. Харин засаг захиргаанаас зөвшөөрөл өгсөн тохиолдолд баяр ёслол, багт наадмын үеэр энэ хууль зөрчигдпөж болох гэнэ. Хэдийгээр энэ шийдвэрт лалын шашны уламжлалт хувцасны талаар тодорхойлж заагаагүй ч агуулгаараа бол Бельгид амьдарч байгаа лал шашинт эмэгтэйчүүд нүүрээ бусдаас нууж явах боломжгүй болж байгаа юм. Бельгийн парламентаас гаргсан шийдвэрт “ гудамж талбай, амралтын бүс болон албан байгууллага зэрэг газруудад нүүрээ хаасан болон таних бололцоогүй олгохгүй “ хувцаслахыг хориглосон хэмээн зааж өгсөн байна.

Хөрш Францад энэ асуудал мөн л сөхөгдсөн бөгөөд маш том маргааны бай болоод байгаа билээ. Бельгитэй ижил хууль батлахыг Ерөнхийлөгч Николя Саркози

өөрөө дэмжиж байгаа бөгөөд тэрээр лал шашинтай эмэгтэйчүүд олон нитйийн газар нүүрээ халхлан явахыг тус оронд тэвчшгүй үзэгдэл хэмээн мэдэгдэж байсан билээ. Хэрэв Францад Бельгитэй адил хууль журам үйлчилбэл тус улсад суугаа таван сая лал шашинтай иргэдийн дунд нэлээдгүй эсэргүүцэл гарч болох юм гэж зарим эх сурвалжууд хэлж байна. Гэхдээ эдгээр таван сая лалын шашинтнуудын хоёр мянга нь л нүүрээ халхалсан өмсгөлтэй явдаг ажээ. Харин ийм хурц асуудлаар илэн далангүй мэдэгдэл хийх нь 2012 онд болох Францын ерөнхийдөгчийн сонгуулийн дүнд ямар нөлөө үзүүлэх бол гэж улстөрийн хүрээнийхэн болгоомжилж байгаа аж. Гэхдээ Ерөнхийлөгч Николя Саркози өөрийн улстөрийн нүүр царайг ямар нэг байдлаар халхлахыг огт бодохгүй байгаа гэнэ.