Холливуудын “Алтан охин” гэж нэрлэгдэж байсан Lindsay Lohan сүүлийн үед уналтад ороод байгаа. Өдөр бүр түүний шөнийн клуб дэх согтуу, мансуурсан зураг нийтлэгдэж, эхэндээ фэнүүд нь цочирдон хүлээж авдаг байсан бол одоо түүний энэ амьдралын хэмнэл нь хэвийн үзэгдэл болоод байгаа гэхэд хилсдэхгүй.
Хэдхэн хоногийн өмнө түүний аав Michael Lohan охиныхоо гэрт цагдаа дагуулан очиж, “Rolex” цаг хулгайлсан хэмээн сэжигтнээр дуудуулж шуугиан тарьсан бол,  Lindsay Lohan өчигдөр өмнө нь авхуулж байсан зургуудаасаа сэтгэл сэртхийлгэм хэдэн зураг “Twitter” дээрээ нийтлэсэн нь олны анхаарлыг татаж, дахин шуугиан дэгдээлээ.
Түүний нийтлэсэн зургууд амиа хорлолт эсвэл өөр ямар нэгэн таагүй зүйлийн сэдэлтэй “мессеж”-ийг  илэрхийлж байхвий хэмээн фэнүүд нь сэжиглэж байна.

Н.Наран