Сүүлийн үед олон шинэ загварын гар утас зах зээлд нийлүүлэх болсон дэлхийн номер нэг гар утас үйлдвэрлэгч “Nokia” корпораци ээлжит шинэ загвараа танилцуулжээ. Харин энэ удаад Nokia X2 загварын хөгжимд суурилсан, хямд үнэтэй гар утас юм.

Nokia X2 нь S40 платформ дээр суурилсан, хөгжим тоглуулагчийн тусгай товчлуур, стерео чанга яригч, фм радио болон өөр дээрээ суурилсан антеннтай ажээ. Мэдээж хэрэг Bluetooth холболттой, мемори картыг дэмжиж ажиллана. 13мм зузаантай Nokia X2 нь ердөө 81 грамм жинтэй бөгөөд 2.2 инчийн QVGA дэлгэцтэй. Хөнгөн цагаан материалаар хийгдсэн арын хэсэгт видео бичлэг хийх боломжтой 5.0 мегапиксель камер байрлажээ. Энэхүү гар утас 85 еврогийн үнээр зургадугаар сарын сүүлчээр худалдаанд гарах ба цэнхэр ба мөнгөлөг, хар ба улаан өнгөний хослолтой хоёр өнгөнийн сонголттой байх гэнэ.