Энэ удаагийн тэмцээний долоо хүртэлх насны хөвгүүдийн ангилалд тэргүүн байрыг Б.Ирмуүнтулга "Хөхморь" клуб, хоёрдугаар байрыг Э.Энх-Од Сүхбаатар аймаг, гуравдугаар байрт Сэлэнгэ аймгийн өсвөрийн тамирчин О.Цагаанбаатар нар тус тус оржээ. Хоёр дахь ангилал болох 8-9 насны хөвгүүдээс эхний байрыг Дархан-Уул аймгийн өсвөрийн шатарчин Ё.Далай-Эрдэнэ эзэлж, хоёрдугаар байрт Хэнтий аймгийн Э.Нямбилэг, гуравдугаар байрт "Уран хожил" клубийн О.Чингүүн шалгарав.
Охидын бага насны ангилалд Дархан-Уул аймгийн М.Оюунсувд алтан медаль хүртэж, Булган аймгийн Н.Номин-Эрдэнэ мөнгө, Орхон аймгийн Ц.Хонгорзул хүрэл медалийн эзнээр тодорлоо. Охидын 10-11 насны ангилалд Говь-Алтай аймгийн М.Ариунтөмөр тэргүүн байрт шалгарч, нийслэлийн Г.Алтайхүү, А.Балжинням нар хоёр, гуравдугаар байрт шалгарав. Охидын ахлах насанд Сэлэнгэ аймгийн Г.Учрал алтан медаль хүртэж, Говь-Алтай аймгийн Б.Отгонсувд, Төв аймгийн Р.Халиун-Эрдэнэ нар мөнгө, хүрэл медалийн эзэд боллоо.