Ирэх сарын нэгэнд дэлхийн хамгийн шилдэг 32 виртуаль хөлбөмбөгчид Барселона хотноо цуглаж, FIFA-гийн Interactive World Cup Grand Final-д өрсөлдөхөд бэлэн болжээ. Тэд FIFA-гийн Interactive World Champion 2010-ын титмийн төлөө өрсөлдөх бөгөөд ялагч нь 20 мянган ам.долларын мөнгөн шагнал, мөн FIFA World Player Gala 2010 чуулга уулзалтад оролцож, дэлхийн шилдэг хөлбөмбөгчидтэй уулзах эрхээр шагнуулах юм. Шилдэг 32-ыг шалгаруулах сонгон шалгаруулалт бүтэн долоон сар үргэлжилсний эцэст 22 улсын 32 архаг тоглоомчид аваргын төлөөх тулаанд тунан үлджээ. Тодруулбал, 2009 оны аравдугаар сараас 2010 оны гуравдугаар сар хүртэл үргэлжилсэн сонгон шалгаруулалтад 775 мянга гаруй оролцогч оролцож, “Electronic Arts” студийн PlayStation-3 тоглоомын консол дээр “FIFA10” видео тоглоомоор өрсөлдсөн юм.

С.Цэлмэг