Энэ сарын 23-ны өдөр Багдадад цуврал дэлбэрэлт болж, наад зах нь 67 хүн амиа алдлаа. Хотын цагдаагийн мэдээгээр 100 гаруй хүн шархадсан байжээ.  Анхны дэлбэрэлт нь орон нутгийн цагаар 12:30-д шиитийн Абдель Хади аль-Чалаби (Abdel Hadi al-Chalabi) сүмд баасан гаригийн мөргөлийн цагаар  болсон байна. Дараа нь Багдадын зүүн хэсэг  дэх сүмээс холгүй бас нэг дэлбэрэлт болов.

Гурав дахь дэлбэрэлт Багдадын төвийн Хайфа гудамжны зах дээр, дөрөв дэх нь Иракийн нийслэлын захын шиитийн Мадинат-эс-Садр дүүрэгт  хийгдлээ. Бүх дөрвөн дэлбэрэлтэд тэсрэх төхөөрөмжтөй машинууд дэлбэрчээ.

Тав дахь дэлбэрэлт нь мөн л шиитийн сүмийн дэргэд болжээ. Харин энэ удаа гар хийцийн бөмбөг дэлбэрсэн байна. Террорист байгууллагуудын аль нь ч аллагын хариуцлагыг хүлээнэ гэж мэдэгдсэнгүй.

Иракийн эрх баригчид террористуудын гурван лидерийг устгаснаа зарлаад удаагүй байтал аллага хийлээ. Уг мэдэгдлийн дараа АНУ-ын дэд ерөнхийлөгч Жо Байден мэдэгдэхдээ олон улсын алан хядагчдын сүлжээнд сүйрлийн цохилт өгсөн гэж байв.