Олимпийн наадмын гимнастикийн хошой аварга ОХУ-ын нэрт тамирчин Наталия Лаврова авто осолд орж, таалал төгсчээ. Москва хотын замын цагдаагийн газрын хэвлэлийн төлөөлөгчийн хэлснээр Лаврова эгчийнхээ хамт явж байсан бөгөөд машиныг эгч нь жолоодож байсан байна. Баасан гаригийн орой болсон осол Москва хотоос зүүн урагшаа 500 гаруй км зайд орших Пенза хотын ойролцоо болсон бөгөөд Лаврова болон түүний эгч газар дээрээ амьсгал хураажээ.

25 насандаа ийнхүү харамсалтайгаар таалал төгссөн Лаврова ОХУ-ын түүхэнд спорт гимнастикийн төрлөөр хоёр олимпиос аваргын алтан медаль хүртсэн цорын ганц тамирчин юм. Тэрээр ОХУ-ын шигшээ багт багтаж, 2000 оны Сидней болон 2004 оны Афины олимпийн наадамд аваргалж байжээ. Таван настайгаасаа гимнастикийн спортоор хичээллэж эхэлсэн Лаврова 1998 онд үндэсний шигшээ багийн тамирчин болж, 1999 онд дэлхийн аварга болсон байна. Тэрээр өнгөрсөн хугацаанд “Динамо” клубын дасгалжуулагчаар ажиллахын зэрэгцээ улсынхаа шигшээ багийн бэлтгэлд тусалдаг байсан аж.

С.Цэлмэг