“Монголын ихрүүдийн холбоо”-ноос “Ихрүүдийн баяр”-ыг энэ сарын 28-наас ирэх тавдугаар сарын 1-ний хооронд зохион байгуулах гэж байна. Энэ жил “Монголын ихрүүдийн баярын 20 жилийн ой тохиож  байгаа бөгөөд ойгоо тохиолдуулан “Ихрүүдийн баяр”-ыг өргөн цар хүрээтэй тэмдэглэхээр төлөвлөж байна хэмээн Монголын иххүүдийн холбооны тэргүүн Ч.Үржинбадам ярьж байна. Энэ сарын 28-нд “Miss and Mister”, “Ихэр мисс”, “Төсгүй хоёр дусал” шалгаруулах наадмыг зохион байгуулах бол 29-нд ихрүүдийн шатар, одон бөмбөг, сагсан бөмбөг, шүлэг, зургийн уралдаан  болох ажээ. Эдгээр урлаг соёлын арга хэмжээний дараа ихрүүд Сүхбаатарын талбайд баярын жагсаал  хийх юм байна.