“Harry Potter”-ын од, жүжигчин Rupert Grint хамгийн анх сексийн өрнөлтэй зураг авалт хэрхэн хийлгэж байсан тухайгаа, тэр үедээ хэрхэн сандарч байснаа ярьжээ. Тэрбээр жүжигчин Kimberley Nixon-той хамтран тоглосон “Cherybomb” кинонд анх удаа сексийн өрнөлтэй зураг авалтанд орж байсан аж.
Grint тухайн үед ямар байсан талаараа “The Mirror” сэтгүүлд ярихдаа “Киноны зураг авалтын үед үнэхээр хэцүү, санаа зовж, сандарч байсан. Хамтран тоглогч маань намайг тайвшруулж байсны ачаар л тэрхүү хэсгийг амжилттай давсан гэж боддог. Энэ хэсгийг аав ээж маань үзнэ гэж бодохоор л үнэхээр ичиж байсан. Найз, нөхөд бусад хүмүүс тэр хэсгийн талаар ямар нэгэн зүйл битгий асуугаасай гэж дотроо залбирч, бүр бодсоор байгаад сүүлдээ нойр ч хүрэхээ байсан. Киноны нээлт болсон өдөр хэн ч надаас тэр хэсгийн талаар элдэв асуулт асуугаагүй нь намайг үнэхээр тайвшруулсан. Хэн ч тэр хэсгийг онцолж, содон сонин зүйл гэж хүлээж аваагүйд сэтгэл маань уужирсан даа” хэмээн ярьсан байна.

Н.Наран