Сэрүүлэг
дээд сургууль өөрийн оюутандаа гадаадад суралцах бас нэг таатай
боломжийг нээсэн талаарх мэдээлэл хүлээн аваад тус сургуулийн Удирдах
зөвлөлийн дарга Т.Баасанцогттой уулзаж ярилцав.
Сайн байна уу? Танд энэ
өдрийн мэндийг хүргэе
Өнөөдөр
оюутан
залуус гадагшаа явж суралцах сонирхол өндөртэй болсон энэ үед
өөрийн сургуулийн оюутнуудад нэлээд таатай нөхцөл бүхий гэрээ хэлцлийг
энэ хичээлийн жилд нэлээд олныг байгуулсан гэж дууллаа. Энэ талаарх
тодруулж өгнө үү.
Нийт оюутан залуусдаа амжилт хүсч
мэндчилье.
Өөрийн сонирхсон мэргэжлийнхээ дагуу хүссэн газраа суралцах нь чухал
гэж бид боддог. Залуус маань дотоодын их дээд сургуульд суралцахын
зэрэгцээ гадаадын ямар нэг сургуульд зэрэг суралцан мэргэжил олж авах
хүсэл ихтэй болжээ. Бид өөрийн сургуулийн оюутнуудад бусад оронд
суралцан хэл соёлтой танилцаж, цаашид сурч боловсрох, амьдрах гарц нээж
өгөхийг хичээсэн юм. Энэ хичээлийн жилд уг боломж хоёроор нэмэгдэж
БНСУ, ӨМӨЗО-ны сургуулиудтай гэрээ байгуулав.
