Монголын даамын холбооноос өнөөдөр мэдээлэл хийлээ. Хэвлэлийн бага хурлын үеэр Монголын даамын холбооны дэд ерөнхийлөгч Ч.Бат-Эрдэнэ өнгөрсөн гуравдугаар сараас эхлэн Азийн даамын холбооны ерөнхийлөгчөөр сонгогдон ажиллах болсныг албан ёсоор танилцуулав. Саяхнаас шинэ удирдлагатай болж, УИХ-ын гишүүн Ж.Батсууриар удирдуулах болсон тус холбоо менежментийн хувьд шинэчлэл хийж, оюуны спортын үнэлэмжийг өндөр болгоход анхаар ажиллахаар болжээ. Тухайлбал, ирэх тавдугаар сард улсын аварга шалгаруулах тэмцээнээ зохион байгуулахаар төлөвлөсөн бөгөөд нийт таван сая төгрөгийн шагналын сантай байхаар төлөвлөөд байгаа даамын улсын аварга шалгаруулах тэмцээний бүртгэл маргаашнаас эхлэх аж.
Сонирхуулахад, Монголын даамын холбоо 2011 оны залуучуудын дэлхийн аварга шалгаруулах тэмцээнийг Монгол Улсад зохион байгуулахаар Олон улсын даамын холбоонд саналаа хүргүүлээд байгаа гэнэ.
 
Б.Энх