Үндэсний хоккейн лигийн өнгөрсөн улирлын аварга Питтсбург Пингвинс плэй-оффын эхний шатанд Оттава Сенаторс багтаа учраа тааран тоглож байгаа билээ.Цувралыг хожигдлоор эхлүүлсэн аваргууд 2 дараалан ялалт байгуулснаар энэ алдаагаа бүрэн цайруулсан юм.
Өнөөдөр сонирхолтой цувралын 4 дэх тулаан Оттава хотноо явагдлаа.Энэ тулаан  Үндэсний хоккейн лигийн бүх цаг үеийн түүхэнд үлдхүйц сонирхолтой тулаан болсон юм.Эхний 20-н минут ердийн өрнөж Евгений Малкин Оттавагийн хаалгач Брайн Эллиотын хаалганд нэг шайб оруулан зочид давуу байдалтай болоод байв.Харин дараагийн 20-н минутанд үзэгчид жинхэнэ гал гарсан тулааныг гэрч болжээ.2 багийнхан зогсоо зайгүй довтолсоор шайб ороход асдаг улаан гэрэл нийт 8 удаа ассан байна.Питтсбург Пингвинс 5 шайб, Оттава 3 шайб оруулсан нь бүх цаг үеийн плей-оффын түүхийн 2-рт орох амжилт болж бүртгэгджээ.
1990 онд Форум ордонд болсон Лос Анжэлэс Кингс,  Калгари Флэймс багуудын тоглолтын 2-р үед Кингс 5 шайб, флэймс 4 шайб 2 багийнхан нийт  9 шайб оруулсан нь одоо хүртэл эвдэгдээгүй байгаа юм.Энэ тоглолтон Лос Анжэлэс Кингс 12:4 харьцаатай ялалт байгуулж байсан  бол өнөөдөр Питтсбург 7:4 харьцаатайөрсөлдөгчөө талбайд нь 2 дахь удаагаа хожин дараагийн шатанд шалгархад нэг алхам ойртлоо.Тоглолтын гол баатараар Сидни Кросби нэрлэгджээ.Тэрээр Оттавагийн эсрэг 2 шайб 2 ашигтай дамжуулалт өгч багаа тэргүүлжээ. Цувралын дараагийн тоглолт баасан гарагийн өглөө Питтсбург хотноо болно.  

Score studio.