Монголын самбо бөхийн холбооноос зохион байгуулж буй самбо бөхийн улсын аварга шалгаруулах тэмцээн “Бөхийн өргөө”-нд хоёр дахь өдрөө үргэлжилж байна. Энэ удаагийн тэмцээнд Хөдөлмөрийн баатар, самбо бөхийн дэлхийн хошой аварга Х.Цагаанбаатар, олимпийн аварга Н.Түвшинбаяр, ОУХМ С.Мияарагчаа нарын шилдгүүд оролцож байгаа юм.
Өчигдөр болсон эхний өдрийн тэмцээний хамгийн сонирхолтой барилдаан 74 кг-ын аваргын алтан медалийн төлөө өрсөлдсөн Хөдөлмөрийн баатар Х.Цагаанбаатар, ОУХМ С.Ням-Очир нарын хооронд өрнөсөн бөгөөд энэ барилдаанд С.Ням-Очир өрсөлдөгчөө ялж, самбо бөхийн улсын аварга болсон байна. Тэмцээн өнөөдөр хоёр дахь өдрөө үргэлжилж байна. Дор өчигдөр болсон эхний өдрийн тэмцээнээс медаль хүртсэн эрэгтэй тамирчдын нэрсийг нийтэллээ.

Тэмцээний медальтнууд:

Эрэгтэй:

63 кг:

Алт: Д.Төмөрхүлэг
Мөнгө: Ч.Болдбаатар
Хүрэл: Н.Дамланпүрэв

74 кг :

Алт: С.Ням-Очир /Хангарьд/
Мөнгө: Х.Цагаанбаатар /Эрч/
Хүрэл: О.Болд-Эрдэнэ /Хилчин/
Хүрэл: Г.Пүрэвдорж /Хүч/

90 кг:

Алт: Г.Ариун-эрдэнэ /Женко/
Мөнгө: Жанчив /Женко/
Хүрэл: Э. Энхбат /Хангарьд/
Хүрэл: Б.Тулга

+100 кг:

Алт:Н.Түвшинбаяр/Женко/
Мөнгө: Б.Сугаржаргал /Женко/
Хүрэл: Х.Мөнхбаатар  /Хүч/
Хүрэл: Ганхүү