Улсын хэмжээнд 2007 онд зохион байгуулсан усны тооллогоор Хөвсгөл аймагт 370 нуур цөөрөм, 780 гол горхи, 879 булаг шанд, 50 рашаан тоологдсон ба эдгээрээс 2003 оны тооллоготой харьцуулахад 86 булаг, 19 гол горхи ширгэсэн байна. Энэ үнэхээр харамсалтай тоо баримт байгаа биздээ. Дөрөвхөн жилийн дотор л ийм олноороо ширгээд байвал бид нар хожим юу хийх гээд ч юу ч хийж чадахгүй болсон байх болно.

Залуучууд бид нэг удаа шоудахдаа хэдэн төгрөгөөр шоуддаг билээ? Доод тал нь л 10000₮-өөр шоуддаг. Гэтэл модны нэг суулгац 200₮-7000₮-ийн үнэтэй байна. Тэгэхээр бид нэг удаа зугаацах мөнгөөрөө хэдэн суулгац аваад гэрийнхээ хашаанд, ах эгчийнхээ, эмээ өвөөгийнхөө гэрийн хашаанд тарьчихвал байгаль эхээ баярлуулан, ирээдүй хойчдоо олон жилийн амьдрал бэлэглэж байгаа хэрэг болно