Английн шигшээ багийн шилдэг тоглогчдын нэг Фрэнк Лампард өчигдөр найз бүсгүй Кристин Бликлигээ ээжийнх нь хамт Лондонгийн баруун дүүрэгт орших гэрийнхээ ойролцоо тансаг ресторанд урьж, гурвуулаа оройн зоог барьжээ. Ирээдүйн эхнэр болон хадам ээж Минагийнхаа хамт Лампард дээд зэрэглэлийн итали ресторанд цагийг тун зугаатай өнгөрүүлж, инээж хөхөрсөөр гарч одсон гэнэ. Английн супер од Лампард найз бүсгүйтэйгээ өнгөрсөн жилийн “Pride of Britain Awards” арга хэмжээний үеэр танилцсан бөгөөд өнгөрсөн зул сарын баяраар түүний эцэг, эхтэй уулзаж танилцжээ. Сануулахад, өдгөө 31 настай авьяаслаг хөлбөмбөгч өмнөх гэрлэлтээсээ хоёр охинтой юм.
Лампард оройн зоогнийхоо дараа багийнхаа анд нар болох Жо Коул, Эшли Коул нартай уулзаж, “China Whites” шөнийн клубт үүрийн 04.00 цаг хүртэл наргисан гэнэ.

С.Цэлмэг