Айлын талбай дээр хийсэн хоёр хүнд тоглолтоос нэгийг нь хожлоор төгсгөж чадсан Бостон Брунс цувралын 3 дахь тоглолтыг өөрийнхөө талбайд хийлээ.Энэ тоглолтын гоолын салхийг 1-р үеийн 7 дахь минутанд зочин баг Сабрес тавьсан байна. Хэнрик Таллиндерээс эхлэлтэй гоолын дамжуулалтыг Раффи Торрес Майк Гриэрт өгсөн нь чулуу болж тоглолтын салхийг хагалсан байна.Харин энэ гоолоос 9 минутын дараачаар онооны тэнцлийг Бостоны Дэннис Уайдмэн авчрахдаа Владимир Соботкагийн дамжуулалтыг ашигласан ажээ. Ингэснээр тоглолт улам бүр ширүүн уур амьсгалтай боллоо.
Тоглолтын 2-р үед 6 тоглогч дүрмийн бус алдаа гаргаснаасаа болж торгууль хүлээснээраль аль багуудын ээлж дараалсан довтолгоонууд үр дүнд хүрч чадаагүй юм.Ингээд 3 дахь 20 минут эхэллээ. Тоглолтын 13 дах минут үргэлжилж байлаа. Тэнцээний гоолыг оруулсан Дэннис Уайдмэн Марк Рэччид дамжуулалтыг өгч, улмаар Рэччи Патрис Бэргэронд гоол хийх боломжийг олгосноор энэ тоглолтонд 2-1 харьцаатай Бостон Брунс  ялалт байгуулсан юм аа.Ингэснээр чансаа доогуур плэйоффт шалгарсан ч 3 тоглолтын дараагаар Бостон Брунс цувралыг 2-1 харьцаатай тэргүүлж эхэллээ. Хоёр багийн дараагийн тоглолт манай цагаар 22-ны өглөө болно.

Score studio.