Үндэсний хоккейн лигийн плэйоффын эхний тоглолтууд 15-ны өдөр эхэлж, багууд хэдийнэ мөсөн талбайд эхний тулаануудаа хийлээ. Өчигдрийн тоглолтуудаас хамгийн сонирхолтой нь энэ жил Дорнод бүсийг тэргүүлж Ерөнхийлөгчийн цомыг багийнхаа түүхэнд анх удаа хүртсэн Вашингтон Капиталс плэйоффт сүүлийн эрхийг хүнд хэцүү тоглолтуудын дараа олж авсан Монреал Канадианс-ын тоглолт байлаа.
Мэдээж, дүрэм ёсоор Нэгдсэн улсын нийслэл хот Вашингтонд тоглолт болсон. Тоглолтын эхний 20 минутыг 2 баг 1-1 харьцаатай өндөрлөсөн бөгөөд Монреалаас Майкл Каммалэри, Вашингтоноос Жой Корво нар тус бүр гоолджээ. Харин 2-р үед Монреалынхан илүүтэй санаачлагыг гартаа авч тоглосон байх юм. Энэ үед тэд нийтдээ 13 довтолсон бол Вашингтон 8 довтолгоонийг зохион байгуулсан ч аль аль нь үр дүнд хүрээгүй байна.
Лигийн 2 удаагийн үнэ цэнэтэй тоглогчийн шагналт Алекс Овечкин энэ тоглолтод 5 удаа цохилт гүйцэтгэсэн ч бүгд хаалтанд оржээ. Өнөөдрийн тэр тоглолт тэрээр талбай дээр ч гэсэн бухимдуу байсныг багийн нөхөд нь тоглолтын дараа хэлжээ. Харин 3-р үе эхлэхэд эхний минутад л  Никлас Бакстром Майк Нүблийн дамжуулалтаар гоолдож, хөгжөөн дэмжигчдээ баярлууллаа. Энэ оройн Вэризон центрийн бүх тасалбар зарагдаж дуусан байжээ. Харамсалтай нь, талбайн эздийн хамгаалалт үүнээс хойш бат байж чадсангүй. 8 дахь минутад Скотт Гомэз Монреалын 2 дох гоолыг Капиталсын хаалганд оруулснаар онооны самбар дээрх тэнцлийг авчирчээ. Ингэснээр үндсэн цагт 2-2 харьцаатай тэнцээгээр өндөрлөсөн байна.
Улмаар нэмэлт 20 минутыг  сунган өрсөлдөхөд Монреалын Томаш Плэканеч Яарослав Спэйсикийн дамжуулалтыг чулуу болгон хожлыг гоолыг оруулсанаар хүчирхэг Вашингтон Капиталс багийг  3-2 харьцаатай нэмэлт цагт буулган авсан юм. Тоглолтын дараа Каммалэри : энэ лигт хэн нь ч хэнийгээ хожиж болдог. Юу ч тохиолдож болно гэж хэлсэн байна. Гэвч тэднийг цувралын эхний тоглолтонд хожино гэдэгт итгэх хүн цөөн байсан биз. Ямартай ч тэд гайхамшгийг бүтээж чадлаа.
Цувралын 2 дахь тоглолт манай цагаар ирэх ням гарагт болно.
  “ Score” studio Б.Ялалт