104 дэх удаагаа болж байгаа “Монте Карло Мастэрс” тэмцээний 3р шат өндөрлөж, шилдэг 8 теннисчний нэрс тодорлоо. Надал, Жокович зэрэг дэлхийн шилдэгүүд оролцож байгаа энэ тэмцээнд Испаны 5 теннисчин шилдэг 8-д үлдээд байна. Тухайлбал Рафаэл Надал Германы Бэрэрийг, Хуан Карлос Фэрэро Францын Цонгаг, Дэвид Фэрэр Хорватын Лиубичичийг, Вэрдаско Томаш Бэрдихийг, Монтанэс Хорватын Чиличийг тус тус буулган авсан байна. Харин Аргентин, Сэрбийн цорын ганц төлөөлөл болсон Налбандиан, Жокович нар хоорондоо оноолт таараад байна. Харин Германы теннисчин Филип Кольшрайбэр тэмцээний эхний шатнаас Английн Энди Муррэйг мулталж сенсаац тарьсан бол шилдэг 4т багтахын тулд Испаны Дэвид Фэрэрийг хожих хэрэгтэй боллоо. Шороон талбай дээр зохиогддог энэхүү тэмцээнийг цаг үйлдвэрлэлтээрээ алдартай Ролекс брэнд сүүлийн 2 жил ивээн тэтгэх болсон байна. 2,750,000 долларын шагналын сантай Монте Карло Мастерс тэмцээнд Рафаэл Надал сүүлийн 5 жил дараалан “өвдөг шороодоогүй” явна.
 
Score studio.