“4-11” буюу сэтгүүлчидтэй уулзах ээлжит уулзалтын тов гарчээ. Шинэ оны эхний уулзалтуудаа Ардчилсан нам “Анхан шатаа сонсох аян”-ын хүрээнд Төв аймгийн Зуунмод сум болон Хэнтий аймгийн  Бор-Өндөрт зохион байгуулж байсан. Харин энэ удаагийн уулзалтыг энэ сарын 8-ны пүрэв гаригийн 11:00 цагт Ардчилсан намын шилэн танхимд зохион байгуулахаар болжээ. Уулзалтад УИХ дахь АН-ын бүлгийн дарга Ч.Сайханбилэг, Ардчилсан намын Ерөнхий нарийн бичгийн дарга Д.Эрдэнэбат болон Нийслэлийн Ардчилсан намын дарга С.Эрдэнэ нар  оролцоно гэж Ардчилсан намын хэвлэлийн албанаас мэдээллээ.