Хойд Солонгос чучхэ эринийхээ эхлэлийг тэмдэглэдэг. Энэ эриний эхлэл нь БНАСАУ-ыг үндэслэгч Ким Ир Сенийн төрсөн 1912 оны энэ өдрөөс эхэлдэг гэнэ. Хойд Солонгост баярын өдрөө “Нарны өдөр” гэж нэрлэдэг аж.

Мөн энэ өдөр Босни ба Герцогивинагийн армийн төрсөн өдөр гэж үздэг. Арми нь 1992 оны дөрөвдүгээр сарын 15-нд байгуулагдан Серб болон Югославын ардын армийн эсрэг байлдаж байжээ.

Үйл явдал

1841 ОН. Йена хотын Их сургуулийн Гүн ухааны факультет Карл Маркст (1818-1883) “Демокритийн натур гүн ухаан ба Эпикурын натур гүн ухааны ялгаа” гэсэн сэдвээр цол хамгаалсанд нь гүн ухааны доктор цол олгожээ. Түүний бүтээлд эртний гүн ухаантнуудын атомын тухай санаа бодлыг тусгасан байлаа. Шинжлэх ухааны коммунизмыг үндэслэгч эхлээд Боннын их сургуульд дараа нь Берлиний их сургуулийн хуулийн ангийг дүүргэжээ. Карл Марксыг эдийн засгийн боловсролтой гэж үздэг нь худал юм.

1912 ОН. Дэлхийн хамгийн том бөгөөд тохилог хөлөг онгоц “Титаник” Анлантын далайд живжээ.Энэ хөлөг онгоц дэлхийн хамгийн том усан онгоц байсан бөгөөд урт нь 269 м, өргөн нь 28,2 м, хурд нь 25 узел байлаа. Онгоц Атлантын далайд сүйрэх үеэр SOS гэсэн аюулын радио дохио анх дамжуулжээ.

1951 ОН. Лондон хотноо 59 жилийн өмнө “Дэлхийн мисс” уралдааны анхны  тэмцээн болжээ. “Дэлхийн мисс” цолны төлөө 30 гоо бүсгүй өрсөлдөж байхдаа бас л анх удаагаа бикини гэх дотуур хувцастай тайзнаа гарч олныг алмайруулж байлаа.
Хамгийн анхны гоо бүсгүйн тэмцээн 1888 оны есдүгээр сарын 19-нд Бельгийн Спа хотноо болж 350 бүсгүйчүүд оролцож байжээ.

1955 ОН. Иллинойс мужийн Де-Плейн хотод хамгийн анхны “Макдональдс” зоогийн газар нээгдсэн байна. Одоо “Макдональдс” корпораци нь дэлхийн 121 оронд 30 мянган салбар ажиллуулдаг. Жилдээ  энэ сүлжээ 50 сая хүнд үйлчилдэг ажээ.

2002 ОН. Саддам Хусейны 65 насны ойгоор Багдадад олон зуун залуус хуримлав. Хусейны том хүүгийн толгойлдог Оюутан, залуучуудын холбоо энэ арга хэмжээг зохион байгуулсан байна. Хуримын зардлаас гадна залуу хосуудын хувцас, таван одтой буудлын нэг хоногийн мөнгийг тус холбоо даажээ.