Энэтхэгийн баруун Бенгаль болон Бихар мужуудад цагт 160 км.ийн хурд бүхий хүчтэй циклон шуурга шуурч одоогоор 68 хүн амь үрэгдсэн мэдээтэй байна. Энэхүү циклон нь мягмар гарагийн орой баруун  Бенгалийн бүс нутгаас эхэлсэн бөгөөд энэ үеэр модод булгаран унаж гэрлийн шон  унаснаар зуу зуун хүн гэмтэж бэртжээ. Энэ шуургаар Баруун Бенгальд 50000 гэр орон сүйрч харин Бихар мужид 1000 гаран айл өрх сүйдсэн байна. Баруун Бенгальд цагдаа нар 31 хүн амь үрэгдсэн байхыг олсон бол Бихар мужид 37 хүн амь эрсэдсэн байхыг олжээ.