Одоогийн байдлаар Налайх дүүрэгт нүүрс ашиглалтын лицензтэй 38, хайгуулын лицензтэй 68 аж ахуй нэгжид 1040 хүн уул уурхайн  аюулгүй ажиллагааны шаардлага хангахгүй нөхцөлд ажилладаг гэсэн статистик байна. Өнгөрсөн оны жилийн эцсийн байдлаар тус дүүргийн нутаг дэвсгэрт нүүрс олборлох 160 аманд 1188 хүн ажиллажээ. Үүнээс зөвшөөрөлтэй 20 уурхайгаас 14 нь өөрийн эзэмшил газар дээрээ үйл ажиллагаагаа явуулдаг байна. Харин зөвшөөрөлгүй 136 уурхайн  цооног ажиллаж байсан аж. Дээрх уурхайнуудад бэхэлгээ агааржуулалтгүйн улмаас 36 хүн осолджээ. Налайхын уурхайд гарсан осол нь нийслэлийн хэмжээний нийт ослоос 8.7 дахин, амь үрэгдсэн осол 23.3 дахин өндөр үзүүлэлттэй байна.

Б.АНХАА