Энэ сарын 21-нээс нээлтээ хийх Ник Стрингерийн найруулсан гайхам зураглал бүхий далайн гүний ертөнцийн тухай өгүүлсэн кино гарах нь ээ. Үүнд далайн давалгааны чимээ, цахлайнуудын чарлаан, далайн шуурганы хүчит дуунаас авахуулаад байхгүй юмгүй кино гэнэ. Киноны гол дүр далайн яст мэлхий нь нэг тивээс нөгөө тив рүү зорчихдоо туулсан адал явдлын тухай юм байна. Далайн гүн дэх амьтдын тулалдаан, амьдрал, мөсөн туйлын хүйтэн гээд л байхгүй юмгүй бөгөөд бидний урьд харж үзэж байсан кино кадруудаас нэг нь ч үүн шиг сонирхолтой байхгүй гэдгийг найруулагч нь батлан хэлж байгаа юм. Энэ баримтат киноны үргэлжлэх хугацаа нь 1 цаг 21 минут бөгөөд Их Британи, Австри, Германи зэрэг орны киночид оролцсон ажээ.