Хятадын газрын тосны “Sinopec” компани Канадын газрын тосны төсөлд 4.65 тэрбум ам.долларын хөрөнгө оруулахаар боллоо гэж “BBC” агентлаг мэдээллээ. “Syncrude Canada” компанид хөрөнгө оруулалт хийж, есөн хувийг нь худалдан авч байгаа нь Хятадын Хойд америкт хийж байгаа хамгийн том хөрөнгө оруулалт юм. Тус улсын эдийн засгийн улам нэмэгдэж буй өсөлтийг хангахын тулд Хятадын компаниуд дэлхий даяар эрчим хүчний салбарт хөрөнгө оруулалт хийж байна. Өнгөрсөн жил “Sinоpec” компани Баруун Африк, Иракын Курдистанд газрын тосны орд эзэмшдэг Addax Petrolium компанийг 7.2 тэрбум ам.доллараар худалдаж авсан юм.
“Syncrude Canada” нь Канадын хамгийн том газрын тосны компани бөгөөд өдөрт 350 мянган баррел газрын тас үйлдвэрлэдэг. “Syncrude Canada” Канадын газрын тосны үйлдвэрлэлийн 13 хувийг дангаараа нийлүүлдэг.  Тус төсөл нь битумэн орд газраас газрын тос олборлох бөгөөд технологитоо их хэмжээний хөрөнгө оруулалт хийх болно. Гэвч газрын тосны үнэ өссөөр байгаа нь ийм хэмжээний хөрөнгө оруулалт хийх эдийн засгийн бололцоо олгож байна. Хятадын компанийг төлж чадах байх гэж эдийн засагчдийн тооцоолж байсан хэмжээнээс даруй хоёр тэрбум ам.доллар төлсөн. “Энэ нь Хятадууд бусдаас өөр төрлийн худалдан авагч болохыг харуулж байна” гэж “Genuine Capital Market” компаний шинжээч Phil Skolnick ярьж байна.

Т.Бадрах