Хүн бүрт өөрийн гэсэн сонирхол байдаг. Гэрэл зураг авах, зураг зурах, компьютер тоглоом тоглох, спортоор хичээллэх, төрөл бүрийн хоол хийх гэхчилэн олон төрлийн зугаацах арга бий. Гэхдээ орчин үеийн залуусын хамгийн сонирхол татаж байгаа зүйл бол яахын аргагүй видео тоглоом юм. Ихэнх өсвөр насны хүүхдүүдийн сонирхолд хамгийн түрүүнд видео тоглоом тавигддаг.

Тоглох толгоомоо сонгохдоо хамгийн сайныг нь шилж сонгодог мэдрэмжтэй залуусын дараачийн сонголт бол “God оf War 3”. Энэ “домог”-ийн талаар геймерчид сонсоо биз. Тоглоомын зохиол маш сонирхолтой. Бид дайны бурхныг хөнөөж, түүний бүх хүч чадлыг авсан Кратос нэртэй спартаны дүрээр тоглох болно. Өөрийн хийсэн хэргийнхээ төлөө том төлөөс төлсөн Кратос одоо өөрийн биеэр эртний Грецийн хараагдсан газар руу дайрч, дэлхийг хауст хүргэнэ. Өөрийн хараалаа арилгахын тулд тэр өнгөрсөн үеийнхээ бүхэл аймшигтай нүүр тулах болно. Манай баатар маш бат бөх тэвчээртэй, өндөр хурд болон хүчийг эзэмшсэн. Мөн түүнчлэн Кратос явцын дунд олон ид шидийг эзэмшинэ.
Удаан хүлээсний эцэст тоглоомын хоёр цувралын дараа шинэ анги нь гарлаа. Гурав дахь цувралыг өмнөхтэй нь харьцуулбал, хамаагуй илүү, гол дүр нь илүү хүчтэй, олон төрлийн байлдааны арга барилтай, илүү цэвэр эзэмшилт, илүү ууртай, найдвартай болжээ. Нэг дэлгэцэнд харагдах түүний дайсны тоо нь 15-аас 50 хүртэл ихэссэн. Энэ цуврал нь байж болох хамгийн өндөр төвшинд хийгдсэн байна. Өндөр дүрслэл, шилмэл дуу бүхий энэ цувралд гол дүр маань өөрийн хараалаасаа ангижрах юм.

Гуравдугаар сарын сүүлээр гарсан энэ тоглоом одоогоор зөвхөн “Sony PS3” тоглоомын консолын хувилбар нь гарсан байна. За амжилт хүсье.

Дэлгэрэнгүйг http://www.godofwar.com хаягаас үзээрэй.

Б.Өлзий